බෝරා සමුළුව අද කොළඹ කොටුව ඩී.ආර්. විජේවර්ධන මාවතේ ප්රදර්ශන හා සම්මේලන මධ්යස්ථානයේදී පැවැත්වීමට නියමිතයි. අදින් ආරම්භ වන මෙම සමුළුව ලබන 27 වැනිදා සිට ජුලි මස පස් වැනිදා දක්වා පැවැත්වෙනු ඇති. ඒ සඳහා පිරිසක් සහභාගී වීමට නියමිතව ඇති බැවින් එම දිනවල උදෑසන හතේ සිට රාත්රී දහය දක්වා මරදාන ඩාර්ලි පාර, ගාමිණි වටරවුමෙන් ඩී.ආර්.විජේවර්ධන මාවතට, බහාලුම් රථ, ගල්, වැලි පටවන ලද ටිපර් රථ ඇතුළු වීම සීමා කිරීමට කටයුතු කරන බව පොලීසිය දැනුම් දෙනවා. එමෙන්ම ලබන 27 වැනිදා සිට ජුලි මස පස් වැනිදා දක්වා උදෑසන හතේ සිට උදෑසන එකොළහයි තිහ දක්වා සහ පස්වරු තුනේ සිට රාත්රී දහය දක්වා බම්බලපිටිය බෝරා මුස්ලිම් දේවස්ථානයේදී බෝරා සමුළුව පැවැත්වීමටයි සැළසුම් කර ඇත්තේ. පොලීසිය දැනුම් දෙන්නේ එම දිනවලදී වැල්ලවත්ත දෙස සිට මුහුදුබඩ මාර්ගයේ බම්බලපිටිය හරහා කොල්ලුපිටිය දෙසටත්, කොල්ලුපිටිය සිට බම්බලපිටිය හරහා වැල්ලවත්ත දෙසටත් කන්ටේනර් රථ, ගල් වැලි පටවන ලද ටිපර් රථ ඇතුළුවීම දා සීමා කෙරෙනු ඇති. පොලීසිය වැඩිදුරටත් දැනුම් දෙන්නේ, බම්බලපිටිය පොලිස් වසමේ ග්ලේන් ආබර් පෙදෙසට වාහන ගමනාගමනය සීමා කරමින් ගාලු පාරෙන් ග්ලේන් ආබර් පෙදෙසට ඇතුළු වී මුහුදුබඩ මාර්ගය ඔස්සේ ගමනාගමනය සිදු කිරීමට කටයුතු කරන ලෙසයි. මේ අතර මෙම කාලසීමාව තුළ බම්බලපිටිය පොලිස් වසමේ ආදිමලේ පෙදෙසට වාහන ඇතුල් වීමද පදිංචිකරුවන්ට පමණක් සීමා කර තිබෙනවා.
උණුසුම් පුවත්
- ගිනි අවියක් සමග පුද්ගලයෙකු අත්අඩංගුවට
- කෙරළ ගංජා තොගයක් නාවික හමුදා භාරයට
- හිටපු කතානායකවරයෙකු ඝාතනය කෙරේ
- සුරාබදු නිලධාරීන් 3 දෙනෙකු අත්අඩංගුවට
- අනතුරකින් පුද්ගලයෙකු ජීවිතක්ෂයට
- ආසන පටි පැළදීම අනිවාර්ය කිරීමේ ගැසට් නිවේදනය අද නිකුත් කෙරේ
- යුක්රේනයේ හිටපු කතානායක වෙඩි තබා ඝාතනය කරයි
- දිවයිනට රැගෙන ආ කෙහෙල් බද්දර පත්මේ ඇතුළු අපරාධ කල්ලි සාමාජිකයන් CID යට