ගිනිකොන දිග සහ ඊට යාබද නිරිත දිග බෙංගාල බොක්ක ආශ්රිතව පවතින පීඩන අවපාතය ත්රිකුණාමලයට කිලෝමීටර් 455ක් පමණ නැගෙනහිර දෙසට බරව කේන්ද්රගතව පවතීන බව කාලගුණ විද්යා දෙපාර්තමේන්තුව නිවේදනය කරනවා .
එය අද සවස දක්වා ක්රමයෙන් බටහිර දෙසට බරව වයඹ දෙසට ගමන් කර හෙට පෙරවරුවේදී ශ්රී ලංකා වෙරළ තීරය හරහා ගමන් කිරීමට ඉඩ ඇති බවයි එම නිවේදනයේ සදහන් වන්නේ .
ඒ අනුව උතුරු, නැගෙනහිර, උතුරු මැද සහ ඌව පළාත්වලත් මාතලේ හම්බන්තොට දිස්ත්රික්කවලත් විටින් විට වැසි හෝ ගිගුරුම් සහිත වැසි ඇති වීමේ හැකියාවක් පවතිනවා .
දිවයිනේ සෙසු ප්රදේශවල තැනින් තැන සවස් කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇති විය හැකි බවයි කාලගුණවිද්යා දෙපාර්තමේන්තුව සඳහන් කලේ .
නැගෙනහිර, ඌව, බස්නාහිර, මධ්යම සහ සබරගමුව පළාත්වලත් ගාල්ල, මාතර, මුලතිවු, යාපනය සහ කිලිනොච්චිය දිස්ත්රික්කවලත් විටින් විට හමන පැ.කි.මී 50-ක 60 ක පමණ තද සුළං බලාපොරොත්තු විය හැකියි .
