බුදු පිළිමවල නළලේ රනින් නිමවා ඇති ඌර්ණ රෝම ධාතු කඩා සොරා ගන්නා සැකකරුවන් දෙදෙනෙක් නාවලපිටිය පොලිසිය විසින් අද(09) අත්අඩංගුවට ගෙන තිබෙනවා.
සැකකරුවන් දෙදෙනා නාවලපිටිය පොලිසියේ විහාරස්ථාන රැසක බුදු පිළිමවල ඌර්ණ රෝම ධාතුව සොරාගෙන ගොස් තිබෙනවා.
අවසන්වරට ත්රීරෝද රථයකින් පැමිණි දෙදෙනෙකු නාවලපිටිය කැටපුලාව විහාරස්ථානයේ බුදු පිළිමයේ නළල කඩා රනින් නිමවා තිබූ ඌර්ණ රෝම ධාතුව රැගෙන ගොස් ඇති බවට එම විහාරස්ථානයේ විහාරාධිපති හිමියන්ගෙන් නාවලපිටිය පොලිසියට පැමිණිලි කර තිබෙනවා.
ඒ අනුවලද පැමිණිල්ලක් මත එම විහාරස්ථානයේ සවිකර තිබූ ආරක්ෂිත කැමරා දර්ශන ඔස්සේ විමර්හනයක් සිදුකර සැකකරුවන් දෙදෙනා අත්අඩංගුවට ගැනීමට නාවලපිටිය පොලිසියේ නිලධාරීන් සමත්ව තිබෙනවා.
පිළිමතලාව ප්රදේශයේ පදිංචි අවුරුදු 45-50ත් අතර වයස් කාණ්ඩවල පසුවන සැකකරුවන් දෙදෙනා දිවයින පුරා වෙහෙර විහාරස්ථාන වෙත ගොස් බුදු පිළිමයේ හිසට හානි කර ඌර්ණ රෝමධාතුවලින් ලබාගත් බවට සැකකෙරෙන උණුකර තිබූ රන් පවුම් 30ක්ද පොලිසිය විසින් සොයාගෙන තිබෙනවා.
සැකකරුවන් දෙදෙනා එසේ ලබාගන්නා රත්රන් කුරුණෑගල සහ පිළිමතලාව ප්රදේශයේ රන් භාණ්ඩ අලෙවි කරන පෞද්ගලික ආයතනයක් වෙත ගොස් එසේ ලබාගත් රත්රන් උණුකර ඇති බවිය පොලිස් විමර්ශනවලදී අනාවරණ වී ඇත්තේ.
සැකකරුවන් මෙම සොරකම සිදු කිරීමට භාවිත කරන ලද ත්රීරෝද රථයක්ද පොලිස් භාරයට ගෙන ඇති අතර එම සැකකරුවන් නාවලපිටිය මහේස්ත්රාත් අධිකරණය වෙත ඉදිරිපත් කරන බවද පොලිස් අධිකාරිවරයා වැඩිදුරටත් කියා සිටියා.
