බස්නාහිර පළාත මෙන් උසස් සෞඛ්ය සේවාවක් සහිත පළාතක් ලෙස උතුරේ සෞඛ්ය සේවාව දියුණු කිරීම තම අරමුණ ජනාධිපති රනිල් වික්රමසිංහ මහතා පවසනවා.
මාන්කුලම් මූලික රෝහලේ වෛද්ය පුනරුත්ථාපන චිකිත්සාව සහ මානසික සෞඛ්ය සංවර්ධන මධ්යස්ථානය විවෘත කිරීමේ අවස්ථාවට එක්වෙමිනුයි ජනාධිපතිවරයා මේ බව සඳහන් කළේ.
උතුරු පළාතේ සෞඛ්ය සේවාව උසස් තත්ත්වයකට ගෙන ඒම වෙනුවෙන් 2017 වසරේ අග්රාමාත්යවරයා ලෙස ආරම්භ කළ ව්යාපෘති ජනාධිපතිවරයා ලෙස ජනතා අයිතියට පත් කර දීමට හැකි වීම පිළිබඳ සතුටු වන බව ද මෙහිදී ජනාධිපති රනිල් වික්රමසිංහ මහතා සඳහන් කළා.
නෙදර්ලන්ත රජයේ සහයෝගය ඇතිව රුපියල් මිලියන 4,500 ක වියදමින් යුතුව මෙම වෛද්ය මධ්යස්ථානය ඉදිකර තිබෙනවා.
