ත්රීකුණාමලය බුදු පිළිම සිද්ධිය සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටින බලංගොඩ කස්සප හිමියන් ඇතුළු පිරිස ලබන 11 වනදා දක්වා යලි රක්ෂිත බන්ධනාගාර ගත කර තිබෙනවා.
ඒ ඊට අදාළ නඩුව අද(09) ත්රීකුණාමලය මහේස්ත්රාත් අධිකරණයේදී කැඳවූ අවස්ථාවේදීයි.
ත්රීකුණාමලය කොටුව පාරේ ශ්රී සම්බුද්ධ ජයන්ති බෝධිරාජ විහාරස්ථානයේ විහාරාධිපති පූජ්ය ත්රීකුණාමලයේ කල්යාණවංශ තිස්ස හිමියන්, පූජ්ය බලංගොඩ කස්සප හිමියන්, පූජ්ය ත්රීකුණාමලයේ සුඛිතවංශ තිස්ස හිමියන් සහ පූජ්ය නන්ද හිමියන් ඇතුළු පිරිසක් අද(09) අධිකරණයට ඉදිරිපත් කරනු ලැබුවා.
ත්රීකුණාමලය නගරයේ වෙරළ ආරක්ෂක කලාපය තුළ අනවසර කටියක් ඉදිකර බුදු පිළිමයක් තැන්පත් කළේ යැයි වෙරළ සංරක්ෂක හා වෙරළ සම්පත් කළමනාකරණ දෙපාර්තමේන්තුව කර තිබූ පැමිණිල්ලකට අනුව මෙම නඩුව ක්රියාත්මක වනවා.
