මෙරට 37 වැනි පොලිස්පතිවරයා ලෙස වැඩබලන පොලිස්පති ප්රියන්ත වීරසූරිය මහතා පත්කිරීමට ආණ්ඩුක්රම ව්යවස්ථා සභාවේ අනුමැතිය හිමිවී තිබෙනවා.
ජනාධිපති අනුර කුමාර දිසානායක මහතා විසින් පසුගිය දා ඔහුගේ නම පොලිස්පති ධූරය සදහා සුදුසු බවට නිර්දේශ කර ආණ්ඩුක්රම ව්යවස්ථා සභාවේ අනුමැතිය සදහා ඉදිරිපත් කර තිබුණා.
ඒ අනුව, කථානායක ජගත් වික්රමරත්න මහතාගේ ප්රධානත්වයෙන් ආණ්ඩුක්රම ව්යවස්ථා සභාව අද රැස්වූ අවස්ථාවේදී අදාළ අනුමැතිය ලබා දීමටයි කටයුතු කලේ .
පාර්ලිමේන්තුවේ සම්මත වූ යෝජනාවකින් පසු පොලිස්පති දේශබන්දු තෙන්නකෝන් මහතා එම ධුරයෙන් නෙරපා හරිනු ලැබුවා .
ඒ සමඟ පොලිස්පති තනතුර පුරප්පාඩු වුණා.
කෙසේ වෙතත් පොලිස්පති ධුරය සඳහා ජ්යෙෂ්ඨ නියෝජ්ය පොලිස්පතිවරුන් 6 දෙනකු සුදුසුකම් ලබා ඇති බව වාර්තා වුණා .
නමුත් ජනාධිපතිවරයා විසින් පොලිස්පති ධුරය සඳහා වැඩබලන පොලිස්පතිවරයා වූ ප්රියන්ත වීරසූරිය මහතාගේ නම යෝජනා කිරීමටයි කටයුතු කලේ.
ඔහු පසුගිය 2024 වසරේ සැප්තැම්බර් 24 වැනිදා වැඩබලන පොලිස්පති ධුරයට පත් කෙරුණා.
වසරකට ආසන්න කාලයක් ඔහු වැඩබලන පොලිස්පතිවරයා ලෙස කටයුතු කළා.
පොලිස් කොස්තාපල්වරයකු ලෙස පොලිස් දෙපාර්තමේන්තුවට එක්වූ ඔහු 1992වසරේ දී උප පරීක්ෂකවරයකු ලෙසත් 1999 වසරේ දී සහකාර පොලිස් අධිකාරිවරයකු ලෙසත් 2007වසරේදී පොලිස් අධිකාරිවරයකු ලෙසත් උසස්වීම් ලබාගෙන කටයුතු කරනු ලැබුවා
එමෙන්ම ඒ මහතා 2012 වසරේදී ජ්යෙෂ්ඨ පොලිස් අධිකාරිවරයකු ලෙසත් 2016 වසරේ දී නියෝජ්ය පොලිස්පති ලෙසත් 2020 වසරේදී ජ්යෙෂ්ඨ නියෝජ්ය පොලිස්පතිවරයා ලෙසත් 2024 වසරේ සිට වැඩබලන පොලිස්පතිවරයා ලෙසත් සේවය කර තිබුනා .
