ශ්‍රී ලංකා පොදුජන පෙරමුණේ නව මෙහෙයුම් ප්‍රධානියා ලෙස හිටපු අමාත්‍ය ජොන්ස්ටන් ප්‍රනාන්දු පත් කර තිබෙනවා.
එම පෙරමුණේ මහ ලේකම් සාගර කාරියවසම් ප්‍රකාශ කළේ, ඊයේ රැස් වූ දේශපාලන මණ්ඩලයේදී මෙම තීරණය ගත් බවයි.
එසේම, පළාත් පාලන ආයතන සඳහා සභිකයන් නම් කිරීම පිළිබඳ අවශ්‍ය නිර්ණායක සකස් කිරීමට හිටපු අමාත්‍ය ගාමිණි ලොකුගේගේ ප්‍රධානත්වයෙන් මෙහිදී කමිටුවක් ද පත් කෙරුණා.
මේ අතර, ඉදිරියේදී පළාත් පාලන ආයතනවල බලය පිහිටුවීම සඳහා සහාය ලබාදීම සම්බන්ධයෙන් අවශ්‍ය තීන්දු තීරණ ගැනීමටද පොදුජන පෙරමුණ කමිටුවක් පත් කර තිබෙනවා.
