පුරාවස්තු සෙවීමේ අරමුණින් කැණීම් කරමින් සිටි සැකකරුවන් දෙදෙනෙක් සහ සැකකාරියක් උඩුදුම්බර පොලිසිය විසින් අත්අඩංගුවට ගෙන තිබෙනවා.
පොලිසිය කියා සිටියේ ඊයේ(01) අළුයම් කාලයේදී උඩුදුම්බර, පල්ලේකන්ද ප්රදේශයේදී සිදු කරන ලද වැටලීමකදී පුරාවස්තු සෙවීමේ අරමුණින් කැණීම් කටයුතු සිදුකරමින් සිටි සැකකරුවන් දෙදෙනෙක් සහ සැකකාරියක් කැණීම් උපකරණද සමගින් අත්අඩංගුවට ගැනුණු බවයි.
සැකකරුවන් අවුරුදු 45 සහ 50 යන වයස්වල පසුවන කහටලියද්ද ප්රදේශයේ පදිංචිකරුවන් වන අතර සැකකාරියද එම ප්රදේශයේම පදිංචි වයස අවුරුදු 45ක අයෙක් බවයි පොලිසිය පවසන්නේ.
සිද්ධිය සම්බන්ධයෙන් උඩුදුම්බර පොලිසිය වැඩිදුර විමර්ශන සිදු කරනු ලබනවා.
