බස්නාහිර සහ සබරගමුව පළාත්වලත්, නුවරඑළිය, මහනුවර, ගාල්ල සහ මාතර යන දිස්ත්රික්කවලත් අද විටින් විට වැසි ඇති වන බව කාලගුණ විද්යා දෙපාර්තමේන්තුව පවසනවා. එමෙන්ම වයඹ පළාතේ වැසි වාර කිහිපයක් ඇති විය හැකි බවයි එම දෙපාර්තමේන්තුව නිවේදනය කරන්නේ. ඌව සහ නැගෙනහිර පළාත්වල අද පස්වරු කාලයේදී හෝ රාත්රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකි බවද සඳහන්. මේ අතර මධ්යම කඳුකරයේ බටහිර බැවුම් ප්රදේශවලත්, බස්නාහිර, සබරගමුව, දකුණු, වයඹ සහ උතුරු මැද පළාත්වලත් විටින් විට හමන පැයට කිලෝමීටර 40 ක 50 ක පමණ තද සුළං ඇති වන බවද අදාළ නිවේදනයේ දැක්වෙනවා. ගිගුරුම් සහිත වැසි සමග ඇති විය හැකි තාවකාලික තද සුළංවලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙසයි කාලගුණ විද්යා දෙපාර්තමේන්තුව මහජනතාවගෙන් ඉල්ලා සිටින්නේ.
උණුසුම් පුවත්
- සී.අයි. ලින්ටන්ට විශේෂ ආරක්ෂාවක්
- වෛද්යවරුන් වර්ජනයකට සැරසෙයි
- කාසල්රි සහ මාඋස්සාකැලේ ජලාශ පිටාර මට්ටමට
- වසරේ ගතවූ කාලය තුළ ලක්ෂයකට අධික වාහන සංඛ්යාවක් ලියාපදිංචි කෙරේ
- බංග්ලාදේශ මහමැතිවරණය එළඹෙන පෙබරවාරියේ
- හිටපු රාජ්ය අමාත්ය ශෂීන්ද්ර රාජපක්ෂ අත්අඩංගුවට
- ඕස්ට්රේලියාවේ ලොක්කෙක් හෙට ලංකාවට
- ගායක ගායිකාවෝ ජනපති හමුවෙයි