දිවයින පුරා සියලු රෝහල්වල අද (05) යළි වර්ජනයක් ක්රියාත්මක කරන බව පරිපූර්ක වෛද්ය වෘත්තීයවේදීන් පවසනවා.
සිය ගැටලුවලට මේ වන තෙක් සෞඛ්ය අමාත්යාංශය විසින් විසඳුම් ලබානොදීම හේතුවෙන් අද උදෑසන 8.00 සිට මෙම වර්ජන ක්රියාමාර්ගයේ නිරත වන බව පරිපූරක වෛද්ය වෘත්තීයවේදීන්ගේ ඒකාබද්ධ බලමණ්ඩලයේ ප්රධාන ලේකම් චානක ධර්මවික්රම මහතා පැවසුවේය.
උසස්වීම් ගැටලුව ඇතුළු ඉල්ලීම් කිහිපයක් මුල් කරගනිමින් පරිපූරක වෛද්ය වෘත්තීයවේදීන් පසුගියදා වර්ජනයක නිරත වු අතර මේ හේතුවෙන් රෝගීන් ද දැඩි දූෂ්කරතාවයකට පත් වුණා.
කෙසේවෙතත් මෙම වර්ජනයට පිළිකා රෝහල, මාතෘ සහ ළමා රෝහල්, වකුගඩු රෝහල් සහ මධ්යම ලේ බැංකුව ඇතුළු සුවිශේෂ ආයතන සම්බන්ධ නොවන බවයි සඳහන් වන්නේ.
අද දිනයේ වර්ජනය සඳහා වෛද්ය රසායනාගාර පර්යේෂණ වෘත්තිකයන්, ඖෂධවේදීන් ඇතුළු පරිපූරක වෛද්ය සේවාවට අයත් වෘත්තීන් 5ක් එක් වන බව චානක ධර්මවික්රම මහතා වැඩිදුරටත් සඳහන් කළා.
