මෙම වසර සඳහා නම් කළ “හොඳම ආසියානු කඳුකර ගමනාන්ත” ලැයිස්තුවට ශ්රී ලංකාවේ මධ්යම කඳුකරයේ පිහිටි නුවරඑළිය ඇතුළත් කර තිබෙනවා.
ගෝලීය ඩිජිටල් සංචාරක වෙබ් අඩවියක් වන “අගොඩා” වෙබ් අඩවිය විසින් මෙම නම් කිරීම සිදු කර තිබෙනවා.
ලෝකයේ විශාලතම සංචාරක වෙබ් අඩවි අතරින් එකක් වන“අගොඩා”වෙබ් අඩවිය නුවරඑළිය හඳුන්වාදී ඇත්තේ, “පුංචි එංගලන්තය” ලෙසටයි.
තේ වතු සහ ඓතිහාසික ගොඩනැගිලි ගවේෂණය කරමින් සන්සුන් භූ දර්ශන මධ්යයේ විවේක ගැනීමට කැමති සංචාරකයින්ට ඉතා සුවපහසුභාවයක් ලබා දීමට මෙම කඳුකර ස්ථානය අඛණ්ඩව කටයුතු කරන බවයි එම වෙබ් අඩවිය පවසන්නේ.
එමෙන්ම සිසිල් දේශගුණය, යටත් විජිත යුගයේ ගෘහ නිර්මාණ ශිල්පය සහ දර්ශනීය නිවාඩු නිකේතන සොයන සංචාරකයින් සඳහා ආකර්ෂණිය ගමනාන්තයක් ලෙස නුවරඑළිය හදුන්වා දිය හැකි බවද “අගොඩා” වෙබ් අඩවිය වැඩිදුරටත් සදහන් කරනවා.
