ශ්රී ලංකාවේ “පුංචි එංගලන්තය” ලෙස හඳුන්වනු ලබන නුවරඑළියේ අද(17) අලුයම ඇතැම් ස්ථානවල මල් තුහිණ පතිත වී තිබූ අයුරු දක්නට ලැබුණා.
සෑම වසරකම දෙසැම්බර් මාසයේදී නුවරඑළියේ මල් තුහිණ පතිත වීම සිදුවන අතර මෙම වසර මුලදී නුවරඑළියේ උද්යාන සහ තේ වතුවල මල් තුහිණ පතිත වීම දක්නට ලැබුණා.
එහි ප්රතිඵලයක් ලෙස උද්භිද උද්යානයේ තණකොළ, කෘගර් ඇළ ඉවුර, මල් උද්යානය, තේ ගස්, විසිතුරු ගස් සහ එළවළු පාත්ති මත අයිස් අංශු තැන්පත් වීම දක්නට ලැබී තිබෙනවා.
එහි වෙනස් දේශගුණය වැඩි සංචාරකයින් ආකර්ශණය කරගන්නා බැවින් සංචාරකයින් සංඛ්යාවද වැඩි වෙමින් පවතිනවා.
තවද මල් තුහිණ පතිත වීමෙන් තේ, එළවළු සහ මල් නිෂ්පාදනයට විශාල බලපෑමක් සිදුවී ඇති බවත් තේවතුවල ශාක පිළිස්සීමේ අවදානමක් ඇති බවයි ප්රදේශවාසීන් කියා සිටින්නේ.
මේ දිනවල කාලගුණය උදෑසන සිට සවස දක්වා උණුසුම් හා අව්ව සහිත වන අතර සවස සිට අලුයම දක්වා අසාමාන්ය ලෙස සීතල කාලගුණයක් පවතිනවා.
තවද ප්රදේශයේ දැඩි සීතලක් පවතින බවත් උෂ්ණත්වය සෙල්සියස් අංශක 9.9ට වඩා අඩු බවයි වාර්තා වන්නේ.
