තීරුබදු රහිතව මෙරටට ගෙන්වන ලද යතුරු පැදි එන්ජින් 16ක් සමග සැකකරුවෙක් නුගේගොඩ කොට්ඨාස අපරාධ විමර්ශන කාර්යාංශය විසින් අත්අඩංගුවට ගෙන තිබෙනවා.
පොලිසිය කියා සිටියේ නුගේගොඩ කොට්ඨාස අපරාධ විමර්ශන කාර්යාංශයේ නිලධාරීන් කණ්ඩායමකට ලද තොරතුරක් මත ඊයේ(19) සවස වැල්ලම්පිටිය, බ්‍රැන්ඩියාවත්ත ප්‍රදේශයේදී වැටලීමක් සිදුකර ඇති බවයි.
එහිදී තීරුබදු රහිතව මෙරටට ගෙන්වන ලද යතුරු පැදි එන්ජින් 16ක් සමග සැකකරුවෙකු අත්අඩංගුවට ගෙන වැල්ලම්පිටිය පොලිස් ස්ථානය වෙත ඉදිරිපත් කර තිබෙනවා.
සැකකරු වයස අවුරුදු 53ක් වන බ්‍රැන්ඩියාවත්ත, වැල්ලම්පිටිය ප්‍රදේශයේ පදිංචිකරුවෙක් බවයි පොලිසිය කියා සිටියේ.
එකලස් කිරීමේ අරමුණින් මෙම යතුරු පැදි එන්ජින් සැකකරු විසින් සන්තකයේ තබාගෙන සිටි බවට දැනට සිදු කරන ලද විමර්ශනයේදී අනාවරණ වී ඇති බවයි පොලිසිය පවසන්නේ.
වැල්ලම්පිටිය පොලිසිය විසින් වැඩිදුර විමර්ශන සිදු කරනු ලබනවා.
