නීති විද්‍යාලයේ විභාගයට පෙනී සිටින සිසුන් සදහා ඉංග්‍රීසි භාෂාවෙන් පෙනී සිටීම අනිවාර්ය කිරීමට විරෝධය පළ කරමින් නීති විද්‍යාලයේ සිසුන් පිරිසක් අද දින පාර්ලිමේන්තුවට පිවිසෙන මාර්ගය අවහිර කරමින් විරෝධතාවයක නිරත වී තිබෙනවා.
මීට ඉහතදී පාර්ලිමේන්තුව තුළ සාකච්ඡා වුණේ එක්වරම ඉංග්‍රීසි මාධ්‍යට සිසුන්ට අවතීර්ණ වීම අපහසු වීම හේතුවෙන් ඒ සදහා වසර 3 ක පමණ කෙටි කාල සීමාවක් ලබා දෙන ලෙසටයි.
කෙසේ වෙතත් මාස 3කට වැඩි කාලයක් ගත වුවද අධිකරණ අමාත්‍යවරයාගෙන් මේ පිළිබදව කිසිදු ප්‍රකාශයක් සිදු නොකිරීම හේතුවෙන් නීති විද්‍යාල සිසුන් මෙලෙස පාර්ලිමේන්තු පිවිසුම අවහිර කරමින් විරෝධතාවයේ නිරත වනවා.
අද දින පාර්ලිමේන්තු මන්ත්‍රී වාසුදේව නානායක්කාර මහතා කියා සිටියේ කඩිනමින් මේ සදහා පිලියමක් ලබා දෙන ලෙසටයි.
ඒ සදහා විපක්ෂ නායක සජිත් ප්‍රේමදාස මහතා ද මෙලෙස සිය අදහස් පළ කළා.
මේ අතර පාර්ලිමේන්තු මන්ත්‍රී බුද්ධික පතිරණ මහතා කියා සිටියේ මෙම වසරේ අප්‍රේල් මස පැවැත්වෙන විභාගය සදහා අයදුම්පත් භාර ගැනීම අද දිනයෙන් අවසන් වීමට නියමිත බවයි.
ඒ අනුව කඩිනමින් පිළිතුරක් අවශ්‍ය බවටයි ඔහු වැඩිදුරටත් අදහස් කළේ.
මේ ඒ සදහා පිළිතුරු ලබා දුන් අධ්‍යාපන අමාත්‍ය සුසිල් ප්‍රේමජයන්ත මහතා.
