ශ්රී ලංකා නීති විද්යාලයේ පවතින විභාග සදහා ඉංග්රීසි භාෂාව අනිවාර්්ය කරමින් 2020 වසරේ දෙසැම්බර් මස 30 වන දින නිකුත් කළ ගැසට් නිවේදනය සම්බන්ධයෙන් අද පාර්ලිමේන්තුව තුළ උණුසුම් තත්ත්වයක් ඇති වුණා.
ඒ පක්ෂ විපක්ෂ භේදයකින් තොරව අදාළ යෝජනාව ඉවත් කර ගන්නා ලෙස ප්රකාශ කිරීමත් සමගයි.
මෙහිදි දෙපාර්ශවයෙන්ම සිදු කරන ලද ඉල්ලීම්වලට අනුකූලව විපක්ෂ නායක සජිත් ප්රේමදාස මහතා ඊට අදාළව ඡන්ද විමසීමක් ඉල්ලා සිටියා.
ඒ අනුව ඇති වූ උණුසුම්කාරි තත්ත්වයත් සමග පාර්ලිමේන්තුවේ කටයුතු කරගෙන යාමට නොහැකි වීම හේතුවෙන් මෙම කාරණය සැලකිල්ලට ගෙන කතා නායකවරයා විසින් ඡන්ද විමසීමක් සිදු කරන ලෙස කැඳවනු ලැබුවා.
මේ අනුව පාර්ලිමේන්තුවේ සාමාජිකයින් 113 දෙනෙකු අදාළ ගැසට් නිවේදනයට අකමැත්ත ප්රකාශ කළ අතර එක් මන්ත්රීවරයෙකු පමණක් ඒ සදහා කැමැත්ත පළ කර සිටියා.
මෙහිදි කතානායකවරයා කියා සිටියේ අදාළ ගැසට් නිවේදනය අනුමත නොවන බවයි.
පාර්ලිමේන්තුව තුළ සියලු දෙනාම පක්ෂ විපක්ෂ භේදයකින් තොරව නීති විද්යාල විභාග ඉංග්රීසියෙන් පැවැත්වීම සම්බන්ධයෙන් නිකුත් කරන ලද ගැසට් නිවේදනයට අකමැත්ත පළ කරන්නේ නම් මෙය කවුරුන් විසින් කුමන හේතුවක් මත සිදු කළා ද යන්න සැක සහිත බවටයි පාර්ලිමේන්තු මන්ත්රී විමල් වීරවංශ මහතා කියා සිටියේ.
මේ අතර අද දින අධිකරණ අමාත්ය විජේදාස රාජපක්ෂ මහතා පාර්ලිමේන්තුවේ නොසිටි අතර ඒ වෙනුවෙන් අදහස් දක්වමින් අධිකරණ රාජ්ය අමාත්ය අනුරාධ ජයරත්න මහතා කියා සිටියේ මෙය අග්ර විනිශ්චයකාරවරයා ඇතු`ඵ සභාවක් විසින් සිදු කළ දෙයක් බවයි.
