හැටන් කොටගල ප්රදේශය ඇද හැලුණු අධික වැසිත් සමග කොටගල ස්ටොනික්ලිෆ් වතු යායේ ඉහළ කොටසේ වතු නිවසක් මතට විශාල පස් කන්දක් කඩා වැටීමෙන් එම නිවසට දැඩි අලාභ හානි සිදුව ඇති බව නුවරඑළිය ආපදා කළමනාකරණ ඒකකය පවසනවා.
පැවැති අධික වර්ෂාවත් සමග පස්වරු 6ට පමණ නිවසට ඉහළින් වූ ප්රධාන මාර්ගයෙන් ගලාගෙන ආ විශාල ජල පහරක් සමග පස් කන්ද තම නිවසේ නිදන කාමරයක් මතට කඩා වැටුණු බවයි නිවෙස් හිමියා කියා සිටියා.
පස් කන්ද කඩා වැටීමෙන් එම නිවසේ සෙසු කාමරවලද බිත්ති ඉරි තලා කඩා වැටීමේ අවදානමක් පවතින නිසා එම නිවසේ පදිංචි පස් දෙනෙකු තාවකාලිකව ඔවුන්ගේ ඥාති නිවසක නතර කිරීට වතු පාලන අධිකාරිය පියවර ගෙන තිබෙනවා.
පස් කන්ද නිවසට කඩා වැටෙන අවස්ථාවේ එම නිවසේ මහළු කාන්තාවක් පමණක් සිට ඇති අතර පස් කන්ද කඩා වැටීමෙන් එම නිවසේ නිදන කාමරයේ තිබූ එම නිවසේ පදිංචිකරැවන්ගේ පෞද්ගලික බඩු බාහිර ආදිය විනාශ වී තිබෙනවා.
සිද්ධිය සම්බන්ධයෙන් දිඹුලපතන පොලිසිය පරීක්ෂන පවත්වනු ලබනවා.
