අමාත්‍ය මණ්ඩල සංශෝධනයක් සිදු කර තිබෙනවා.
ඒ අනුව නව අමාත්‍යවරුන් තිදෙනෙක් සහ නියෝජ්‍ය අමාත්‍යවරුන් දස දෙනෙක් ජනාධිපති අනුර කුමාර දිසානායක මහතා ඉදිරියේ දිවුරුම් දී තිබෙනවා.
එම අමාත්‍යවරුන් සහ නියෝජ්‍ය අමාත්‍යවරුන් මෙසේයි.
අමාත්‍යවරු
බිමල් නිරෝෂන් රත්නායක – ප්‍රවාහන, මහාමාර්ග සහ නාගරික සංවර්ධන අමාත්‍ය
අනුර කරුණාතිලක – වරාය සහ සිවිල් ගුවන් සේවා අමාත්‍ය
වෛද්‍ය එච්.එම්. සුසිල් රණසිංහ – නිවාස, ඉදිකිරීම් සහ ජල සම්පාදන අමාත්‍ය
නියෝජ්‍ය අමාත්‍යවරු
ආචාර්ය අනිල් ජයන්ත ප්‍රනාන්දු – මුදල් සහ ක්‍රමසම්පාදන නියෝජ්‍ය අමාත්‍ය
ටී.බී. සරත් – නිවාස ඉදිකිරීම් සහ ජල සම්පාදන නියෝජ්‍ය අමාත්‍ය
එම්.එම්. මොහොමඩ් මුනීර් – ආගමික සහ සංස්කෘතික කටයුතු නියෝජ්‍ය අමාත්‍ය
එරංග ගුණසේකර – නාගරික සංවර්ධන නියෝජ්‍ය අමාත්‍ය
වෛද්‍ය මුදිත හංසක විජයමුණි – සෞඛ්‍ය නියෝජ්‍ය අමාත්‍ය
අරවින්ද සෙනරත් විතාරණ – ඉඩම් සහ වාරිමාර්ග නියෝජ්‍ය අමාත්‍ය
එච්.එම්. දිනිඳු සමන් කුමාර – තරුණ කටයුතු නියෝජ්‍ය අමාත්‍ය
යු.ඩී. නිශාන්ත ජයවීර – ආර්ථික සංවර්ධන නියෝජ්‍ය අමාත්‍ය
ආචාර්ය කෞෂල්‍යා ආරියරත්න – ජනමාධ්‍ය නියෝජ්‍ය අමාත්‍ය
එම්. එම්. අයි. අර්කම් – බලශක්ති නියෝජ්‍ය අමාත්‍ය
ඒ 2026 වසරට අදාළ අයවැය හා සමගාමීව රජයේ සංවර්ධන ඉලක්කයන් වේගවත් හා කාර්යක්ෂමව කිරීම වෙනුවෙන් මෙම අමාත්‍ය මණ්ඩල සංශෝධනය සිදු කර තිබෙනවා.
එහිදී මෙතෙක් තරුණ කටයුතු නියෝජ්‍ය අමාත්‍යවරයා ලෙස කටයුතු කළ එරංග ගුණසේකර මහතා එම නියෝජ්‍ය අමාත්‍ය ධුරයෙන් ඉවත් කොට නාගරික සංවර්ධන නියෝජ්‍ය අමාත්‍ය ධුරයට පත් කර තිබෙනවා.
එසේම එච්.එම්. දිනිදු සමන් කුමාර මහතා නව තරුණ කටයුතු නියෝජ්‍ය අමාත්‍යවරයා ලෙස දිවුරුම්දී තිබෙනවා.
මෙතෙක් ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍යවරයා ලෙස කටයුතු කළ බිමල් රත්නායක මහතාගෙන් වරාය සහ සිවිල් ගුවන් සේවා ඉවත් කර ඇති අතර ඒ වෙනුවට නාගරික සංවර්ධන අමාත්‍යංශය එක් කර තිබෙනවා.
බිමල් රත්නායක මහතාගෙන් ඉවත් කෙරුණු වරාය සහ සිවිල් ගුවන් සේවා අමාත්‍ය ධුරය සඳහා අනුර කරුණාතිලක මහතා පත් කර තිබෙනවා.
අනුර කරුණාතිලක මහතා මින් පෙර නාගරික සංවර්ධන, ඉදිකිරීම් සහ නිවාස අමාත්‍යවරයා ලෙස කටයුතු කළත් ඔහු අද දිනයේදී වරාය සහ සිවිල් ගුවන් සේවා අමාත්‍යවරයා ලෙස දිවුරුම් දුන්නා.
ඒ මහතාගෙන් ඉවත් කෙරුණු ඉදිකිරීම් සහ නිවාස අමාත්‍ය ධුරය, නියෝජ්‍ය අමාත්‍යවරයා ලෙස කටයුතු කළ වෛද්‍ය එච්.එම්. සුසිල් රණසිංහ මහතා ලබාදී තිබෙනවා.
ඒ අනුව ඉඩම් සහ වාරිමාර්ග නියෝජ්‍ය අමාත්‍යවරයා ලෙස කටයුත කළ සුසිල් රණසිංහ මහතා නිවාස ඉදිකිරීම් සහ ජල සම්පාදන අමාත්‍යවරයා ලෙස දිවුරුම් දුන්නා.
