සංචාරක නවසීලන්ත කණ්ඩායම සමග පැවැති තරග 3කින් යුත් එක්දින ක්‍රිකට් තරගාවලියෙන් 3-0 ක පූර්ණ තරගාවලි ජයක් වාර්තා කිරීමට ඉන්දීය කණ්ඩායම ඊයේ සමත් වුණා.
ඒ, දෙරට අතර පැවැති තෙවැනි එක්දින තරගයෙන් ඉන්දියාව ලකුණු 90 ක විශිෂ්ඨ ජයක් වාර්තා කරමින්.
තරගය ජය ගැනීම සදහා ලකුණු 386 ක දැවැන්ත ඉලක්කයක් හඹා ගිය නවසීලන්ත කණ්ඩායමට පන්දුවාර 41 යි පන්දු 2 ක් අවසානයේ සියලු දෙනා දැවී ලබා ගත හැකි වූයේ ලකුණු 295 ක් පමණයි.
එහිදී ඩෙවෝන් කොන්වේ ලකුණු 138 ක් රැස් කළා.
පන්දු යැවීමේ දී ශර්දුල් තාකූර් හා කුල්දීප් යාදව් කඩුලු 3 බැගින් බිද දැමීමටයි සමත් වුණේ. තරගයේ කාසියේ වාසිය දිනූ නවසීලන්ත කණ්ඩායම පළමුව පන්දුවට පහරදීම සදහා ඉන්දීය කණ්ඩායමට ආරාධනා කළා.
ඒ අනුව පිටියට පිවිසි ඉන්දියාව නියමිත පන්දුවාර සංඛ්‍යාව අවසානයේ කඩුළු 09 ක් දැවී රැස් කල ලකුණු සංඛ්‍යාව 385 ක්.
එහිදී රෝහිට් ශර්මා ලකුණු 101 ක් ලබා ගත අතර ශුබ්මන් ගිල් ලබා ගත් ලකුණු සංඛ්‍යාව 112 ක්.
හර්ඩික් පාන්ඩ්යා ලකුණු 54 ක් ලබා ගත්තා. තරගයේ වීරයා ලෙස ශර්දුල් තාකුර් නම් කෙරුණු අතර තරගාවලියේ වීරයා ලෙස ශුබ්මන් ගිල් නම් කෙරුණා.
