වෙඩි තබා මනුෂ්‍ය ඝාතනයකට ආධාර අනුබල ලබාදුන් බව කියන සැකකරුවෙක් හෝමාගම කොට්ඨාස අපරාධ විමර්ශන කාර්යාංශය විසින් අත්අඩංගුවට ගෙන තිබෙනවා.
පොලිසිය කියා සිටියේ ජනවාරි මස 01 වන දින නවගමුව පොලිස් වසමේ නිවසක් තුළදී සිටි පුද්ගලයින් තිදෙනෙකුට වෙඩි තබා එක් පුද්ගලයෙකු ඝාතනය කර අනෙක් පුද්ගලයින් දෙදෙනාට බරපතල තුවාල සිදු කිරීමේ සිද්ධියක් සම්බන්ධයෙන් හෝමාගම කොට්ඨාස අපරාධ විමර්ශන කාර්යාංශය විසින් සිදු කරන ලද විමර්ශන අනුව සැකකරු අත්අඩංගුවට ගෙන තිබෙනවා.
විමර්ශන නිලධාරීන්ට ලද තොරතුරකට අනුව ඊයේ(18) උදෑසන කාලයේ කැලණිය, කොහොල්විල ප්‍රදේශයේදී මෙම අපරාධයට ආධාර අනුබලදීම සම්බන්ධයෙන් සැකකරුවෙකු අත්අඩංගුවට ගෙන ඇති බවයි පොලිසිය පවසන්නේ.
අත්අඩංගුවට ගැනුණු සැකකරු ඉදිරි විමර්ශන කටයුතු සඳහා නවගමුව පොලිස් ස්ථානය වෙත ඉදිරිපත් කර ඇති බවද පොලිසිය කියා සිටියා.
මෙලෙස අත්අඩංගුවට ගෙන ඇත්තේ වයස අවුරුදු 19ක් පමණ වන කැලණිය ප්‍රදේශයේ පදිංචිකරුවෙකි.
මෙම සැකකරු අපරාධකරුවන් පැමිණි වෑන් රථයේ රියදුරු ලෙස කටයුතු කර ඇති බවට විමර්ශනයේදී අනාවරණ වී තිබෙනවා.
හෝමාගම කොට්ඨාස අපරාධ විමර්ශන කාර්යාංශය තවදුරටත් විමර්ශන සිදුකරනු ලබනවා.
