පාර්ලිමේන්තුවට ඉදිරිපත් කළ දේශීය ණය ප්‍රතිව්‍යුහගතකරණය පිළිබඳ යෝජනාව ඊයේ පැවැති ඡන්ද විමසීමකින් අනතුරුව සම්මත කර ගැනුණා .
අදාළ යෝජනාවට පක්ෂව ඡන්ද 122ක් ලැබුණු අතර විරුද්ධව හිමිවූ ඡන්ද සංඛාව 62ක් .
ඒ අනුව කථානායකවරයා සභාවට දැනුම්දුන්නේ අදාළ යෝජනාව සංශෝධිත ආකාරයෙන් සම්මත වූ බවයි .
මෙම යෝජනාව සභානායක අමාත්‍ය සුසිල් ප්‍රේමජයන්ත් මහතා විසින් පාර්ලිමේන්තුවට ඉදිරිපත් කරනු ලැබුවා .
එම විවාදය ඊයේ පෙරවරුවේ සිට රාත්‍රී 7.30 දක්වා පැවැත්වුනු අතර ඡන්ද විමසීම සිදු කෙරුනේ ඉන් අනතුරුවයි .
මේ අතර දේශීය ණය ප්‍රතිව්‍යුහගතකරණය පිළිබද පාර්ලිමේන්තුවට ඉදිරිපත් කළ යෝජනාව සම්මත වු බව මුදල් අමාත්‍යංශ ලේකම්වරයාට ලිඛිතව දැනුම් දී තිබෙනවා.
පාර්ලිමේන්තු මහලේකම් කුෂානි රෝහණදීර මහත්මිය විසිනුයි මෙම දැනුම් දීම සිදුකර ඇත්තේ.
