පොලිස්පති දේශබන්දු තෙන්නකෝන් මහතා සිදු කර ඇති බව කියන විෂමාචාර සහ ධුරයේ බලතල අනිසි ලෙස යොදා ගැනීම සම්බන්ධයෙන් විමර්ශනය කර වාර්තා කිරීමට පත් කළ පරීක්ෂණ කමිටුව අද සිට පරීක්ෂණ කටයුතු ආරම්භ කිරීමට නියමිතව තිබෙනවා.
අදාළ කමිටුව පසුගිය සති කිහිපය තුළදී පාර්ලිමේන්තු පරිශ්රයේදී රැස්ව මූලික විමර්ශන සිදු කරනු ලැබුවා.
ඒ අනුව දේශබන්දු තෙන්නකෝන් මහතාට පරීක්ෂණ කමිටුව හමුවේ පෙනී සිටින ලෙස නොතීසි මඟින් දැනුම් දී තිබුණා.
පාර්ලිමේන්තුවේ සන්නිවේදන දෙපාර්තමේන්තුව සඳහන් කළේ, ඒ අනුව දේශබන්දු තෙන්නකෝන් මහතා පරීක්ෂණ කමිටුව හමුවේ පළමු වරට පෙනී සිටීමට නියමත බවයි.
මෙම කමිටුව පසුගිය 15 වැනිදා පාර්ලිමේන්තුවේදී රැස් වී පරීක්ෂණ කටයුතු පැවැත්වීම සම්බන්ධයෙන් සාකච්ඡා කරනු ලැබුවා.
අදාළ විමර්ශන කමිටුව අද පස්වරු දෙකට පාර්ලිමේන්තු කාරක සභා කාමර අංක අටෙහිදී රැස්වීමට නියමිතයි.
දේශබන්දු තෙන්නකෝන් මහතා එම ධුරයෙන් ඉවත් කිරීමට අදාළ කරුණු සොයා බැලීමට ශ්රේෂ්ඨාධිකරණ විනිසුරු ප්රීති පද්මන් සූරසේන මහතාගේ සභාපතිත්වයෙන් යුතුව මෙම කමිටුව පත් කෙරුණා.
