දිවයිනේ ප්‍රධාන ජලාශ 73 ක සමස්ත ජල ධාරිතාව සියයට 37% දක්වා පහළ ගොස් ඇති බව වාරිමාර්ග දෙපාර්තමේන්තුව පවසනවා. අම්පාර, මඩකලපුව සහ ත්‍රිකුණාමලය දිස්ත්‍රික්කවල ප්‍රධාන ජලාශ 18 හි සමස්ත ජල ධාරිතාවය සියයට 30ට වඩා අඩු මට්ටමක් දක්වා පහළ ගොස් තිබෙනවා. අම්පාර දිස්ත්‍රික්කයේ ප්‍රධාන ජලාශ 09 හි සමස්ත ජල මට්ටම සියයට 22දශම 9ක්. අම්බලන්ඔය, නාමල්ඔය, පල්ලන්ඔය, රඹකැන්ඔය, සේනානායක සමුද්‍රය යන ජලාශ වල පවතින ජල මට්ටම සියයට 50ට වඩා අඩු මට්ටමක් දක්වා පහළ ගොස් ඇති බවයි වාර්තා වන්නේ. මේ අතර, ත්‍රිකුණාමලය දිස්ත්‍රික්කයේ ප්‍රධාන ජලාශ 05 හි සමස්ත ජල ධාරිතාවය සියයට 28දශම1ක් ලෙසයි සඳහන් වන්නේ.
