ජාතික අනතුරු නිවාරණ සතියේ දියේ ගිලීම්වලින් සිදුවන අනතුරු වැළැක්වීමේ දිනය අදට යෙදී තිබෙනවා. මේ යටතේ හෙට පාසල්, පෙර පාසල් සහ දිවා සුරැකුම් මධ්යස්ථානවල අනතුරු වැළැක්වීමේ දිනය ලෙස නම් කර ඇති බවයි සෞඛ්ය අමාත්යාංශය සඳහන්
කළේ. හදිසි අනතුරු හේතුවෙන් වාර්ෂිකව දහස් සංඛ්යාත ශ්රී ලාංකිකයන්ගේ ජීවිත අහිමි වීම සහ ලක්ෂ සංඛ්යාත පිරිසක් තුවාල හා ආබාධිත තත්ත්වයන්ට පත්වීම සැලකිල්ලට ගනිමින් මෙම අනතුරු නිවාරණ සතිය ක්රියාත්මක වනවා. ශ්රී ලංකාවේ රජයේ රෝහල්වල නේවාසික ප්රතිකාර සඳහා ඇතුළත් වන රෝගීන්ගෙන් සැලකිය යුතු ප්රතිශතයක් හදිසි අනතුරු හේතුවෙන් ප්රතිකාර ලබන අය බවයි සෞඛ්ය අමාත්යාංශය පැවසුවේ . වැටීම්, මාර්ග අනතුරු, සේවා ස්ථානවල සිදුවන අනතුරු, දියේ ගිලීම් සහ නිවාස ආශ්ර ිත අනතුරු ඒ අතර ප්රධාන ස්ථානයක් ගන්නා බවද සෞඛ්ය අංශ පෙන්වා දෙනවා. මෙම අනතුරු හේතුවෙන් සෞඛ්ය සේවාවට මෙන්ම රටේ සමාජ හා ආර්ථික සංවර්ධනයට ද එල්ල වන දැඩි බලපෑම අවම කිරීම මෙම ජාතික වැඩසටහනේ මූලික අරමුණ වනවා. රාජ්ය ආයතන, සෞඛ්ය ආයතන, අධ්යාපන අංශය,ආරක්ෂක අංශ සහ අනෙකුත් අදාළ පාර්ශ්වයන්ගේ ඒකාබද්ධ දායකත්වයෙන් මෙම වැඩසටන ක්රියාත්මක කෙරෙනු ඇති.
