මිරිහාන, ස්ටැන්ලි මාවත ප්රදේශයේ පිහිටි හෝටලයක පිහිනුම් තටාකයේ දරුවෙකු ගිලී මියයාමේ සිද්ධිය සම්බන්ධව මිරිහාන පොලිස් ස්ථානය මගින් විමර්ශන ආරම්භ කර තිබෙනවා.
මියගිය දරුවා වයස අවුරුදු 05ක් වන උඩහමුල්ල ප්රදේශයේ පදිංචි දරුවෙකි.
මියගිය දරුවා පුද්ගලික පෙර පාසලක අධ්යාපනය ලබන අතර පාසලේ ගුරුවරුන් සහ දරුවන් කණ්ඩායමක් සමග පුහුණුකරුවෙකු යටතේ ඉහත හෝටලයේ පිහිනුම් කටයුතු සිදුකරමින් සිටියදී මෙම දරුවා දියේ ගිලීම හේතුවෙන් කළුබෝවිල රෝහල වෙත ඇතුළත් කිරීමේදී මියගොස් ඇති බවට සිදු කරන ලද විමර්ශනයේදී අනාවරණය වී ඇත.
කළුබෝවිල රෝහලේ අධිකරණ වෛද්යවරයා විසින් ඊයේ(09) මෘත ශරීරය සම්බන්ධයෙන් පශ්චාත් මරණ පරීක්ෂණයක් සිදු කර විවෘත තීන්දුවක් ලබාදී තිබෙනවා.
මෙම සිදුවීමට අදාළව පෙර පාසලේ සහකාර විදුහල්පති, ක්රීඩා සම්බන්ධීකරණ නිලධාරී, ළමුන් භාරව සිටි ගුරුවරුන් දෙදෙනෙකු, පෙර පාසල් සේවිකාවක් හා පිහිනුම් උපදේශකයින් දෙදෙනෙකු ඇතුළු හත් දෙනෙකු අත්අඩංගුවට ගෙන තිබෙනවා.
සිද්ධිය සම්බන්ධයෙන් මිරිහාන පොලිසිය වැඩිදුර විමර්ශන සිදු කරනු ලබනවා.
