ලංකා ප්‍රිමියර් ලීග් ක්‍රිකට් තරගාවලියේ ඊයේ පැවති තරගයෙන් ජය වාර්තා කිරීමට දඹුල්ල අවුරා කණ්ඩායම සමත් වුණා.
ඒ, බී ලව් කැන්ඩි කණ්ඩායම ලකුණු 20න් පරාජයට පත් කරමින්.
තරඟයේ පළමුවෙන් පන්දුවට පහරදුන් දඹුල්ල අවුරා කණ්ඩායම නියමිත පන්දුවාර 20 අවසානයේ කඩුළු 07ක් දැවී ලකුණු 162ක් රැස් කළා.
එහිදී අවිශ්ක ප්‍රනාන්දු ලකුණු 41ක් රැස් කළ අතර පන්දු යැවීමේදී නුවන් ප්‍රදීප් ලකුණු 35ට කඩුළු 3ක් බිඳ හෙළීමට සමත් වුණා.
ඒ අනුව පිළිතුරු ඉනිම ක්‍රීඩා කළ බී ලව් කැන්ඩි කණ්ඩායමට පන්දුවාර 19යි පන්දු 4ක් අවසානයේ සියලුදෙනා දැවී රැස් කරගත හැකි වූයේ ලකුණු 142ක් පමණයි.
එහිදී දිනේෂ් චන්දිමාල් පන්දු 46දී ලකුණු 50ක් රැස් කළ අතර, විශිෂ්ඨ පන්දු යැවීමක නිරත වූ ධනන්ජය ද සිල්වා ලකුණු 6ට කඩුළු 4ක් බිඳ හෙළීමට සමත් වුණා.
