දකුණු අප්‍රිකානු ” ඒ ” ක්‍රිකට් කණ්ඩායම තරග සංචාරයක් සදහා අද අලුයම කටුනායක ගුවන් තොටුපොළ වෙත පැමිණියා.
ක්‍රීඩකයින් සහ නිලධාරීන් 24 දෙනෙකුගෙන් සමන්විත මෙම දකුණු අප්‍රිකානු කණ්ඩායම අද උදෑසන 08.20 ට ඩුබායි සිට , එමිරේට්ස් ගුවන් සේවයේ ඊ.කේ.- 650 දරන ගුවන් යානයෙන් කටුනායක ගුවන් තොටුපොළ වෙත පැමිණි බවයි වාර්තා වන්නේ.
මෙම කණ්ඩායම පල්ලෙකැළේ හි පැවැත්වෙන එක් දින තරග 03 කට සහ දඹුල්ල ජාත්‍යන්තර ක්‍රිකට් ක්‍රීඩාංගණයේ දී පැවැත්වෙන දින 04 තරග දෙකකට ද සහභාගී වීමට නියමිතයි.
ඔවුන් පිළිගැනීමට ශ්‍රී ලංකා ක්‍රිකට් ආයතනයේ නිලධාරීන් කටුනායක ගුවන් තොටුපොළ වෙත පැමිණ තිබූ අතර , දැඩි ආරක්ෂක විධිවිධාන යටතේ මෙම කණ්ඩායම ගුවන් තොටුපොළේ සිට කොළඹ බලා රැගෙන යාමට පියවර ගෙන තිබුණා .
Array
