මෙවර ජනාධිපතිවරණයට අදාළව තැපැල් ඡන්ද භාවිත කිරීම සඳහා අද දිනය තුළද අවස්ථාව පවතින බව මැතිවරණ කොමිෂන් සභාව පවසනවා.
මැතිවරණ කොමිෂන් සභාව සඳහන් කළේ පසුගිය 04 වනදා සිට 06 වනදා දක්වා තැපැල් ඡන්ද භාවිත කිරීමට නොහැකි වූ සියලු රාජ්‍ය සේවකයින් සඳහා ඊයේ සහ අද දිනය තුළ තැපැල් ඡන්ද භාවිත කිරීමට අවස්ථාව සලසා දී ඇති බවයි.
ඒ අනුව අද දිනයේ දී තැපැල් ඡන්දය භාවිත කරන ඡන්ද දායකයින්ට සිය සේවා ස්ථානය පිහිටි දිස්ත්‍රික්කයේ දිස්ත්‍රික් මැතිවරණ කාර්යාලයට හෝ ප්‍රාදේශීය ලේකම් කාර්යාලය වෙත ගොස් ඡන්දය භාවිත කිරීමට හැකියාව පවතිනවා.
Array
