දිවයින පුරා වාර්තා වන ඩෙංගු රෝගීන්ගේ 30% ක් වයස අවුරුදු 19 න් පහළ බාලවයස්කරුවන් බව ජාතික ඩෙංගු මර්ධන ඒකකය පවසනවා. එහි ප්රජා සෞඛ්ය විශේෂඥ වෛද්ය ප්රශීලා සමරවීර මහත්මිය පැවසුවේ, වාර්තා වන සෙසු රෝගීන් අවුරුදු 20 ත් 65 ත් අතර වයස්වල පසුවන්නන් බවයි. එමෙන්ම වයස අවුරුදු 65 ට වැඩි කාණ්ඩයෙන් වැඩිම ඩෙංගු මරණ සංඛ්යාවක් වාර්තා වී ඇති බවද ඇය සදහන් කළා. මේ අතර දිස්ත්රික්ක 12 ක තවදුරටත් ඩෙංගු ව්යාප්තිය ඉහළ ගොස් ඇති බවයි ජාතික ඩෙංගු මර්ධන ඒකකය පවසන්නේ. වසරේ ගත වූ කාලසීමාව තුළ වාර්තා වී ඇති ඩෙංගු රෝගීන් සංඛ්යාව 78,125 දක්වා ඉහළ ගොස් තිබෙනවා. ඉන් වැඩිම පිරිසක් බස්නාහිර පළාතේ ගම්පහ දිස්ත්රික්කයෙන් වාර්තා වන අතර එම සංඛ්යා 16,798 ක් බව සදහන්. එමෙන්ම මේ වන විට ඩෙංගු මරණ 56 වර්තා වී ඇති බවයි ජාතික ඩෙංගු මර්ධන ඒකකය සදහන් කළේ.
