සටන් විරාමය කඩ කරමින් එල්ල වූ ඉරාන මිසයිල ප්රහාරයට ප්රතිචාර දක්වමින් ටෙහෙරානයේ රේඩාර් පද්ධතියක් විනාශ කළ බව ඊශ්රායල අග්රාමාත්ය බෙන්ජමින් නෙතන්යාහු පවසනවා.
මේරිකානු ජනපති හා කළ දුරකථන සංවාදයෙන් පසුව තවදුරටත් ඉරානයට ප්රහාර එල්ල නොකළ බවද ඊශ්රායල් අගමැතිවරයා පවසා තිබෙනවා.
මේ අතර අමෙරිකානු ජනපති ඩොනල්ඩ් ට්රම්ප් ඊශ්රායල් අගමැති බෙන්ජමින් නෙතන්යාහුට දුරකථනයෙන් අමතා ඇති බවයි විදෙස් මාධ්ය වාර්තා කරන්නේ.
එහිදී අමෙරිකානු ජනාධිපතිවරයා ඉල්ලා ඇත්තේ ඉරානයට පහර නොදෙන ලෙසයි.
කෙසේ වෙතත් සැලසුම් කර ඇති ප්රහාරය අවලංගු කිරීමට තමාට නොහැකි බවත් ඉරානය සටන් විරාමය උල්ලංඝනය කළ නිසා එම ප්රහාරය දියත් කිරීම මේ මොහොතේ අවශ්ය බවත් නෙත්නයාහු අමෙරිකානු ජනපතිට පැවසූ බවටයි විදෙස් මාධ්ය වාර්තා කරන්නේ.
ඒ අනුව ඊශ්රායලය විසින් නැවත ඉරානයට ප්රහාරයක් දියත් කරනු ඇති බවත් එය සැලකිය යුතු ලෙස ප්රමාණත්මකව අඩු කර ඇති බවත් විශාල ඉලක්ක ගණනාවකට පහරනොදී තෝරාගත් එක් ඉලක්කයකට පමණක් සිදුවනු ඇති බවටත් මත පළ වූවා.
