මනම්පිටිය, කොටලීය පාලම ආසන්නයේ කැලෑබද ප්රදේශයක තිබී අත්පා හා මුඛය ගැට ගසා ඝාතනය කරන ලද පුද්ගලයෙකුගේ මෘත දේහයක් හමුවී ඇති බවත් ඒ සම්බන්ධයෙන් විමර්ශනයක් මනම්පිටිය පොලිසිය විසින් ආරම්භ කර ඇති බවයි පොලිසිය පවසනවා.
මෙලෙස ඝාතනයට ලක්ව ඇති පුද්ගලයා පොළොන්නරුව, දළුකාන ප්රදේශයේ පදිංචි වයස අවුරුදු 29ක් පමණ වන පුද්ගලයෙක් බවයි පොලිසිය පවසන්නේ.
ඝාතනයට ලක්ව ඇති පුද්ගලයා ටිපර් රථ රියදුරෙක් බවත් ඔහු නිවසට නොපැමිණි බවට පැමිණිල්ලක් ඔහුගේ බිරිඳ විසින් ඊයේ(17) සවස් කාලයේදී පොළොන්නරුව පොලිස් ස්ථානයට පැමිණිල්ලක් කර තිබෙනවා.
ඒ අනුව ටිපර් රථයේ සවිකර තිබූ ජී.පී.එස්. තාක්ෂණය පද්ධතිය ඔස්සේ සිදු කළ පරීක්ෂාවේදී මරණකරු ටිපර් රථයට වැලි පටවාගෙන පොළොන්නරුව මනම්පිටිය ප්රදාන මාර්ගයේ ගමන් කර ඇති බවට අනාවරණ වී තිබෙනවා.
ටිපර් රථය පොළොන්නරුව, මෛත්රීපාල වටරවුම අසල නවතා දමා තිබියදී සොයාගෙන තිබෙනවා.
රියදුරුගේ මෘත ශරීරය මනම්පිටිය පොලිස් වසමේ කොටලීය පාලම ආසන්නයේ කැලෑබද ප්රදේශයේ තිබියදී පොලිසිය විසින් සොයාගෙන තිබෙනවා.
මෙම ඝාතනයට සම්බන්ධ සැකකරුවන් තිදෙනෙකු මේ වන විට හඳුනාගෙන ඇති බවත් සැකකරුවන් අත්අඩංගුවට ගැනීම සඳහා මනම්පිටිය පොලිසිය වැඩිදුර විමර්ශන සිදු කරනු ලබනවා.
