49 වැනි ජාතික මහා ක්‍රීඩා උළෙලේ මලල ක්‍රීඩා තරග ගාල්ල දඩල්ල දිස්ත්‍රික් ක්‍රීඩා සංකීර්ණ එළිමහන් ක්‍රීඩා පිටියේ අද පැවැත්වෙනවා.
තරුණ කටයුතු සහ ක්‍රීඩා අමාත්‍යාංශයත්, ක්‍රීඩා සංවර්ධන දෙපාර්තමේන්තුවත් එක්ව මෙය සංවිධානය කරනු ලබනවා.
ශ්‍රී ලංකා ක්‍රීඩා සංස්කෘතියේ අභිමානය විදහාපාන ජාතික මහා ක්‍රීඩා උලෙළෙ අවසන් අදියරේ කාන්තා සහ පිරිමි මලල ක්‍රීඩා ඉසව් සියල්ල අද, හෙට සහ අනිද්දා යන දිනවල පැවැත්වෙනවා.
මෙහි සමාරම්භක උත්සවය ක්‍රීඩා නියෝජ්‍ය අමාත්‍ය සුගත් තිලකරත්න මහතා සහ තරුණ කටයුතු නියෝජ්‍ය අමාත්‍ය එරංග ගුණසේකර මහතාගේ සහභාගීත්වයෙන් තරුණ කටයුතු සහ ක්‍රීඩා අමාත්‍ය සුනිල් කුමාර ගමගේගේ මහතාගේ ප්‍රධානත්වයෙන් පැවැත්වීමටයි කටයුතු යොදා ඇත්තේ.
එමෙන්ම මෙහි සමාප්ති උත්සවය අග්‍රාමාත්‍ය ආචාර්ය හරිනි අමරසූරිය මෙනවියගේ ප්‍රධානත්වයෙන් එළඹෙන ඉරිදා පස්වරුවේ පැවැත්වීමට නියමිතයි.
