අයහපත් කාළගුණික තත්ත්වය මත ජාතික ජල සම්පාදන හා ජලාපවහන මණ්ඩලයට අයත් ජල පිරිපහදු මධ්‍යස්ථාන කිහිපයක කටයුතු තාවකාලිකව අත්හිටුවීමට පියවර ගෙන තිබෙනවා. එම මණ්ඩලයේ සභාපති චන්දන බණ්ඩාර මහතා සඳහන් කළේ පේරාදෙණිය, මීවතුර ජල පිරිපහදු මධ්‍යස්ථානයේ ඉලෙක්ට්‍රොනික පද්ධතිය දක්වා ජලය පැමිණීම හේතුවෙන් එහි කටයුතු නවතා දැමීමට කටයුතු කළ බවයි. එමෙන්ම මාවනැල්ල සහ අසුපිනිඇල්ල ජල පිරිපහදු මධ්‍යස්ථාන සඳහා ද බලපෑම් එල්ල වී ඇති බවයි වාර්තා වන්නේ.
