ජනපති සහ අගමැති ගුරු වෘත්තීය සමිති නියෝජිතයන් හමු වෙයි
ජනාධිපති අනුර කුමාර දිසානායක මහතා, අග්රාමාත්ය ආචාර්ය හරිනි අමරසූරිය සහ ගුරු වෘත්තීය සමිති නියෝජිතයන් අතර හමුවක් ඊයේ පස්වරුවේ පැවැත්වුනා.
ඒ ජනාධිපති කාර්යාලයේදී යි.
රජය ක්රියාත්මක කර ඇති නව අධ්යාපන ප්රතිසංස්කරණ සහ එහි අවශ්යතාව පිළිගන්නා බවත්, 06 ශ්රේණියේ විෂය නිර්දේශය නව සංශෝධනයකට ලක්විය යුතු බවත් ගුරු වෘත්තීය සමිති නියෝජිතයෝ මෙහිදී පෙන්වා දී තිබෙනවා.
එමෙන්ම නව අධ්යාපන ප්රතිසංස්කරණ ක්රියාවලියේදී රජය සමඟ එක්ව කටයුතු කිරීමට සූදානම් බවයි එහිදී වෘත්තීය සමිති නියෝජිතයෝ පවසා තිබෙන්නේ.
ජාතික අධ්යාපන කොමිසම, ජාතික අධ්යාපන ආයතනය, අධ්යාපනඥයන්, නීතිඥයන්, විශ්වවිද්යාල ආචාර්ය මහාචාර්යවරු සහ අධ්යාපන ක්ෂේත්රයේ වෘත්තීය සමිති නියෝජිතයන්ගෙන් සමන්විත විධිමත් යාන්ත්රණයක අධීක්ෂණය යටතේ එම කටයුතු සිදු කිරීමටද ඔවුන් යෝජනා කර තිබෙනවා.
අධ්යාපන ප්රතිසංස්කරණ සාර්ථක කර ගැනීමට නම් ගුරුවරුන්ගේ සහ දෙමාපියන්ගේ විශ්වාසය දිනා ගැනීම අත්යවශ්ය බවත්, සැකයක් හෝ අවිශ්වාසයක් සහිතව පරිවර්තනයක් සිදුකළ නොහැකි බවත් ජනාධිපති අනුර කුමාර දිසානායක මහතා එහිදී පෙන්වා දී තිබෙනවා.
එහිදී ජනාධිපති අනුර කුමාර දිසානායක මහතා නව අධ්යාපන ප්රතිසංස්කරණවලදී රජය සමඟ එක්ව කටයුතු කරන ලෙසද ගුරු වෘත්තීය සමිති නියෝජිතයන්ට ආරාධනා කර ඇති බවටයි සදහන් වන්නේ.
