පළාත් පාලන ඡන්ද විමසීමට අදාළ ඡන්ද පත්‍රිකා මුද්‍රණය කිරීමේ කටයුතු ආරම්භ කර ඇති බව රජයේ මුද්‍රණාලය පවසනවා.
ඒ අනුව මෙවර ඡන්ද පත්‍රිකා එක් කෝටි හැත්තෑදහසක් පමණ මුද්‍රණය කිරීමට අපේක්ෂිත බවයි වාර්තා වන්නේ.
පළාත් පාලන ආයතන 339කට අදාළව මෙවර ඡන්ද විමසීම එළඹෙන මාර්තු 09 වන දා පැවැත්වීමට නියමිතව ඇති අතර ඇල්පිටිය ප්‍රාදේශීය සභාවේ සහ කල්මුණේ නගරසභාව සඳහා මෙවර ඡන්ද විමසීම සිදු නොවනු ඇති බවයි අප වාර්තාකරු පැවසුවේ.
මේ අතර රජයේ මුද්‍රණාලය සඳහන් කළේ පළාත් පාලන ආයතන 339කට අදාළව පළාත් පාලන ආයතන සඳහා තරඟ කරන පක්ෂ සහ ස්වාධීන කණ්ඩායම්වල නාමලේඛන සියල්ල මේ වන විට ලැබී ඇති බවයි.
එමෙන්ම පළාත් පාලන ඡන්ද විමසීමට අදාළව තැපැල් ඡන්ද සලකුණු කිරීමට එළඹෙන 22, 23 සහ 24 යන දිනයන්හිදි සිදු කිරීමට නියමිතයි.
මෙම දිනවල දේශපාලන වේදිකාවේ පක්ෂ විපක්ෂව දැක්වූ අදහස්.
