චීන පර්යේෂණ නෞකාවක් වන ෂි යෑන් සික්ස් නෞකාව මේ වනවිට ශ්රී ලංකාවේ වාණිජ මුහුදු කලාපයට ඇතුළු වී ඇති බව ඉන්දීය මාධ්ය වාර්තා කර තිබෙනවා .
එමෙන්ම අදාළ මාධ්ය පවසන්නේ එම නෞකාවට මෙරටට පැමිණීමට ආරක්ෂක අමාත්යාංශය විසින්ද අවසර ලබා දී ඇති බවයි .
කෙසේවෙතත්, හින්දුස්ථාන් ටයිම්ස් පුවත්පත වාර්තා කලේ මෙම පර්යේෂණ නෞකාවට ශ්රී ලංකාවට ඇතුළු වීමට අවසර ලබා නොදෙන ලෙසට ඉන්දියාව ශ්රී ලංකාවෙන් කළ ඉල්ලීම ජනාධිපති රනිල් වික්රමසිංහ මහතා සලකා බලමින් පවතින බවයි .
කෙසේවෙතත්, ජනාධිපති රනිල් වික්රමසිංහ මහතා සමග ඉන්දීය විදේශ අමාත්යවරයා පසුගිය 11 වැනිදා කොළඹදී කළ සාකච්ඡාවේදී මෙරට ජනාධිපතිවරයාගෙන් ඒ සම්බන්ධයෙන් නිසි ප්රතිචාරයක් හිමි වී නොමැති බව ද එම මාධ්ය වාර්තා කළා.
එහි වැඩිදුරටත් දැක්වෙන්නේ, චින ජනාධිපතිවරයාගේ ආරාධනය මත ජනාධිපති රනිල් වික්රමසිංහ නිරතව සිටින චීන සංචාරය අතරතුර අදාළ නෞකාව සම්බන්ධ අවසන් තීරණය ගනු ඇති බවයි.
