සමගි ජනබලවේගය නියෝජනය කරන අම්බලන්ගොඩ ප්‍රාදේශීය සභා මන්ත්‍රීවරයෙක් ගාල්ල දිසා අපරාධ කොට්ඨාස විසින් අත්අඩංගුවට ගෙන තිබෙනවා. ඒ, රිපිටර් වර්ගයේ ගිනි අවියක් නීති විරෝධීව සන්තකයේ තබා ගැනීමේ චෝදනාව යටතේයි.
මන්ත්‍රීවරයාට අදාළ ගිනි අවිය ලැබුණු ආකාරය සම්බන්ධයෙන් ද මේ වනවිට විමර්ශන ආරම්භ කර තිබෙනවා. එමෙන්ම එය යම් අපරාධ ක්‍රියා සඳහා භාවිත කර ඇද්දැයි සම්බන්ධයෙන් විමර්ශන සිදු කරන බවද ගාල්ල දිසා අපරාධ කොට්ඨාසය සඳහන් කළා. මේ සම්බන්ධයෙන් වැඩිදුර පරීක්ෂණ දකුණු පළාත් භාර ජ්‍යෙෂ්ඨ නියෝජ්‍ය පොලිස්පත් කිත්සිරි ජයලත් සහ ගාල්ල දිසා අපරාධ කොට්ඨාසයේ අධ්‍යක්ෂ සහකාර පොලිස් අධිකාරී නාමල් පෙරේර මහතාගේ මෙහෙයවීමෙන් සිදු කරනු ලබනවා.
