ලිට්රෝ ගෑස් මිල අඩු කිරීමත් සමඟ ලාෆ් ගෑස් මිලෙහි සංශෝධනයක් සිදුවේද යන්න සම්බන්ධයෙන් විධායක මණ්ඩලය අද දින රැස් වී සාකච්ඡා කිරීමට නියමිත බව එම සමාගම පවසනවා.
කිලෝග්‍රෑම් 12.5 ගෘහස්ථ ලිට්රෝ ගෑස් සිලින්ඩරයක මිල අද සිට රුපියල් 452 කින් අඩුව වන අතර ඒ අනුව එහි නව මිල සටහන් වනුයේ රුපියල් 3186 ක් ලෙසයි.
එමෙන්ම කිලෝග්‍රෑම් 5 ගෑස් සිලින්ඩරයක් රුපියල් 180 කින් අඩු වන අතර එහි නව මිල රුපියල් 1281 ක් වනවා.
කිලෝග්‍රෑම් 2.3 ක ගෑස් සිලින්ඩරයක මිල ද රුපියල් 83 කින් අඩු කිරීමටයි ලිට්රෝ ගෑස් සමාගම කටයුතු කරනු ලැබුවේ.
ගෑස් මිල පහත දැමුවද බේකරි නිෂ්පාදනවල මිල ගණන්වල කිසිඳු වෙනසක් සිදු නොවන බවටයි සමස්ථ ලංකා බේකරි හිමියන්ගේ සංගමයේ සභාපති එන්.කේ.ජයවර්ධන මහතා කියා සිටියේ.
