කොළඹ – කතරගම ගාලු පාර හරහා ධාවනය කෙරෙන අර්ධ සුඛෝපභෝගී බස් රථ සේවාව නතර කිරීමට පියවර ගෙන තිබෙනවා.
ප්රවාහන හා මහා මාර්ග අමාත්ය බන්දුල ගුණවර්ධන මහතා කියා සිටියේ එම බස් රථ සේවාව අද(04) මධ්යම රාත්රීෙය් සිට නතර කරන බවයි.
රජයේ ප්රවෘත්ති දෙපාර්තමේන්තුවේ අද(04) පැවැති මාධ්ය හමුවකදී අමාත්යවරයා මේ බව කියා සිටියා.
කෙසේ වෙතත් කොළඹ – කතරගම අතර සාමාන්ය සහ සුඛෝපභෝගි බස් රථ සාමාන්ය ලෙස ධාවනය වන බවද අමාත්යවරයා කියා සිටියා.
ඒ අනුව අර්ධ සුඛෝපභෝගී බස් රථ වෙනුවෙන් අය කළ රුපියල් 1541ක ගාස්තුව රුපියල් 1117ක් දක්වා අඩුවන බවද අමාත්යවරයා මාධ්ය හමුවේදී කියා සිටියා.
මේ සම්බන්ධයෙන් ජාතික ගමනාගමන කොමිසන් සභාව සමග එකඟතාවයකට පැමිණ ඇති බවද අමාත්යවරයා අදාළ මාධ්ය හමුවේදී හෙළිකළා.
ගාලු පාර ඔස්සේ කොළඹ – කතරගම මාර්ගයේ අර්ධ සුඛෝපභෝගි බස් රථ 28ක් පමණ ධාවනය වන බවද අමාත්යවරයා වැඩිදුරටත් කියා සිටියා.
