ගාල්ල, අක්මීමන, වැවේගොඩවත්ත ප්රදේශයේ වෙඩි තැබීමක් සිදුව තිබෙනවා. අද අලුයම යතුරුපැදියකින් පැමිණි නාඳුනන පුද්ගලයින් දෙදෙනෙකු මිලිමීටර් නවය වර්ගයේ ගිනි අවියකින් නිවසකට වෙඩි තබා පළා ගොස් ඇති බව පොලීසිය සඳහන් කළා. මෙම වෙඩි තැබීමෙන් කිසිවෙකුට තුවාල සිදුව නොමැති බවයි වාර්තා වන්නේ. අදාළ නිවස හිමි පුද්ගලයා මිදිගම ප්රදේශයේ කර්මාන්ත ශාලාවක විධායක ශ්රේණියේ රැකියාවක නිරත වන අතර ඔහු මීට දින කිහිපයකට පෙර එහි සේවකයෙකුගේ ගැටලුවක් හේතුවෙන් සේවයෙන් ඉවත් කර ඇති බව සඳහන්. අදාළ සේවකයා විසින් ඔහුට දුරකථන ඇමතුම් ලබා දී මීට පෙර තර්ජනය කර ඇති බව ද පොලීසිය පවසනවා. කෙසේ වෙතත් එම පුද්ගලයා විසින් මෙම වෙඩි ප්රහාරය එල්ල කරන්නට ඇති බවටයි පොලීසිය සැක පළ කරන්නේ. ගාල්ල කොට්ඨාසය භාර ජ්යෙෂ්ඨ පොලිස් අධිකාරීවරයාගේ අධීක්ෂණයට යටතේ සිද්ධිය සම්බන්ධයෙන් වැඩිදුර විමර්ශන සිදු කෙරෙනවා.
උණුසුම් පුවත්
- බූස්ස බන්ධනාගාරයෙන් දුරකථන 14ක්
- මන්ත්රී ජගත් ගැන පොලිස්පතිගේ ප්රකාශයට සජබෙන් නිවේදනයක්
- දීපාවලියට ගම්බිම්වලට ගිය ජනයාට ආපසු ඒමට බස් නෑ… මගී ජනතාවගෙන් චෝදනා
- අවුරුදු 10 තුළ වැඩිම මත්ද්රව්ය ඇල්ලුවේ පසුගිය මාස 10දී
- කාලගුණයෙන් විශේෂ නිවේදනයක්
- ධීවර වරාය ආශ්රීතව ලිහිසි තෙල් බෙදාහැරීමේ නව වැඩපිළිවෙළක්
- මිහින්තලේ බෝධියක් කඩා වැටී අයෙක් මරුට
- මන්දකට හසුව සිටි කඳුකර කොටියා නිර්වින්දනය කර මුදාගැනේ













