රුපියල් මිලියන 27කට අධික දළ වීථි වටිනාකමකින් යුත් කෙරළ ගංජා කිලෝ ග්‍රෑම් 121 කට අධික තොගයක් නාවික හමුදා භාරයට ගෙන තිබෙනවා.
මන්නාරම වන්කාලෙලයි ප්‍රදේශය සහ යාපනය ඩෙල්ෆ්ට් දූපතට ඔබ්බෙන් වූ දේශීය ජල තීරයේ සිදු කළ විශේෂ සෝදිසි මෙහෙයුම් මගිනුයි මෙම තොගය නාවික හමුදා භාරයට ගැනීමට හැකියාව ලැබී ඇත්තේ.
මේ සමග සැකකරුවන් 05 දෙනෙකුද නාවික හමුදා භාරයට ගෙන ඇති අතර, ඔවුන් අවුරුදු 19ත් 56ත් අතර පසුවන්නන් බවයි වාර්තා වන්නේ.
ගංජා තොගය ප්‍රවාහනය කළ බව කියන ඩිංගි යාත්‍රා දෙකක්ද නාවික හමුදා භාරයට ගෙන තිබෙනවා.
