රජයක මූලික අරමුණ ප්‍රජාව සවිබල ගැනීවීම බවත් එය සමෘද්ධි දෙපාර්තමේන්තුව හරහා ඇතැමි ප්‍රදේශවල මේවන විට සිදුවෙමින් පවතින බව ග්‍රාම සංවර්ධන, සමාජ ආරක්ෂණ හා ප්‍රජා සවිබල ගැන්වීම් අමාත්‍යාංශ ලේකම් සම්පත් මංත්‍රීනායක මහතා පවසනවා.
සමෘද්ධි සංවර්ධන දෙපාර්තමේන්තුව විසින් ක්‍රියාත්මක කළ ඵල දැරූ ව්‍යෘපෘති මේවන විට එහි අධ්‍යක්ෂක ජනරාල් සී.ඩී කළුආරච්චි මහතා ප්‍රමුඛ සමෘද්ධි නිලධාරින් හදුනාගනිමින් සිටින බවත් එහිදී අනුරාධපුර දිස්ත්‍රිකයේ මැදවච්චියේ, ඇතාකඩ බැංකු සංගමයට අයත් පරණහල්මිල්ලෑව ප්‍රදේශයේ පවත්වාගෙන යනු ලබන සාර්ථක වූ කැවැන්ඩිස් කෙසෙල් වගාව පිළිබඳ සමෘද්ධි සංවර්ධන දෙපාර්තමේන්තුව අවධානය යොමුකර ඇති බවඳ ඒ මහතා සඳහන් කළේය.
ඒ අනුව එම ව්‍යාපෘතියේ සාර්ථකත්වය සොයා බැලීම සඳහා එහි නිරීක්ෂණ චාරිකාවක නියැලීමට කොළඹ සිට සමෘද්ධි අධ්‍යක්ෂක ජනරාලි සී.ඩී කළුආරච්චි මහතා සහ විවිධ අමාත්‍යාංශ ලේකම්වරුන් ප්‍රමුඛ විශේෂ රාජ්‍ය නිලධාරින් කණ්ඩායමක් (17) උදෑසන මැදවච්චියට පැමිණියේය.
මෙම කැවැන්ඩිස් කෙසෙල් වගාවෙන් මැදවච්චියේ දිළිදු පවුල් 35 ක් ආදායම් ලබා ගැනීමට නියමිතය.
එහිදී එක් වගාබිමකින් මාස 09ක් වැනි කෙටිකාලයකින් එක් ගොවි මහතෙකු රුපියල් ලක්ෂ 10ක් වැනි ආදායමක් ලබා ගැනීමට ගොවීන් අපේක්ෂා කරන බවත් එය ඉතා සාර්ථක ව්‍යෘපෘතියක් බවත් මෙවැනි ව්‍යෘපෘති දිවයින පුරා ක්‍රියාත්මක කිරීමට සැලසුම්කර ඇති බවත් ග්‍රාම සංවර්ධන, සමාජ ආරක්ෂණ හා ප්‍රජා සවිබල ගැන්වීම් අමාත්‍යාංශ ලේකම් සම්පත් මංත්‍රීනායක මහතා එහිදී මාධ්‍යට අදහස් දක්වමින් සදහන් කළේය.
මෙම ව්‍යෘපෘතිය සඳහා සමෘද්ධි සමාජ ආරක්ෂණ අරමුදලින් පවුල් 35ටම රුපියල් ලක්ෂ 25 ක් වැය කර ඇත.
මෙම ව්‍යෘපෘතිය සමෘද්ධි අධ්‍යක්ෂක ජනරාල් සී.ඩී කළුආරච්චි මහතාගේ යෝජනාවක් මත මැදවච්චිය ප්‍රාදේශිය ලේකම් කසුන් සෙනවිරත්න මහතාගේ සහ අනුරාධපුර දිස්ත්‍රික් සමෘද්ධි අධ්‍යක්ෂ ඩබ්ලිව්.ඒ වසන්ත මහතාගේ උපදෙස් පරිදි ව්‍යෘපෘති කළමණාකරු මනෝරි හේවාමානගේ මහත්මියගේ සහ මූලස්ථාන කළමණාකරු රාහුල හේරත් මහතාගේ අධීක්ෂණයෙන් ව්‍යෘපෘති සහකාර උපාලි චන්ද්‍රගුප්ත මහතා විසින් ඇතාකඩ බැංකු කළමණාකරු සුදර්මා රත්නායක මහත්මිය ඇතුලු බැංකු සංගමය එක්ව ක්‍රියාත්මක කර ඇත.
ඉදිරියෙදී මෙවැනි සාර්ථාක ව්‍යෘපෘති ක්‍රියාත්මක කළ ස්ථාන හදුනාගනිමින් නව ව්‍යෘපෘති ලබා දීමටත් සැලසුමක් ඇති බවද එහිදී සමෘද්ධි අධ්‍යක්ෂක ජනරාල් සී.ඩී කළුආරච්චි මහතාද වැඩිදුරටත් සඳහන් කළේය.
එම අවස්ථාවට ග්‍රාම සංවර්ධන, සමාජ ආරක්ෂණ හා ප්‍රජා සවිබල ගැන්වීම් අමාත්‍යාංශ ලේකම් සම්පත් මංත්‍රීනායක මහතා, කෘෂිකර්ම හා වාරිමාර්ග අමාත්‍යාංශ ලේකම් ඩී. පී. වික්‍රමසිංහ මහතා, සමෘද්ධි අධ්‍යක්ෂක ජනරාල් සී.ඩී කළුආරච්චි මහතා, සමෘද්ධි සංවර්ධන දෙපාර්තමේන්තුවේ අතිරේක ලේකම් නාලිකා පියසේන මහත්මිය, අතිරේක ලේකම් ගාමිණි විජේසිංහ මහතා, වැව් ගම් පුබුදුව ව්‍යාපෘති අධ්‍යක්ෂ චන්දන එදිරිසුරිය මහතා ඇතුලු පිරිසක් සහභාගි වුණා.
