මෙම සතියේ මුල් භාගයේදී කැනඩාව සහ අමෙරිකාව අතර එකඟ වී තිබූ වෙළෙඳ ගිවිසුමට අත්සන් තැබීමට කැනඩාව අසමත්වී තිබෙනවා. ඒ අනුව, කැනේඩියානු භාණ්ඩ සඳහා සියයට 50ක අමතර තීරුබදු අද මධ්‍යම රාත්‍රියේ සිට පැනවීමටයි අමෙරිකාව තීරණය කර ඇත්තේ. එමෙන්ම, කැනඩාව සඳහා නව තීරුබදු පැනවීම දින තුනකින් කල් දමන බවට පසුගිය 19 වනදා අමෙරිකානු ජනාධිපති ඩොනල්ඩ් ට්‍රම්ප් ප්‍රකාශ කර තිබුණා. මේ අතර, මෙම තීරුබදු ඉහළ දැමීමට එරෙහිව කැනඩාව ද ”ඩොලරයට ඩොලරයක්” හිලව් වන පරිදි බදු පනවන බව කැනඩා අගමැති මාක් කාර්නි පවසනවා. අමෙරිකාව සමඟ පැවැති ද්විපාර්ශ්වික වෙළෙඳ සාකච්ඡා අත්හිටුවීමට කැනඩාව පියවර ගැනීමත් සමඟයි අගමැතිවරයා මෙම නිවේදනය නිකුත් කර තිබෙන්නේ.
