දිවයින වටා වන මුහුදු තීරයේ පවතින සක්රීය කාලගුණ තත්ත්වය හේතුවෙන් තද සුළං සහ රළු මුහුද පිළිබද රතු නිවේදනයක් නිකුත් කර තිබෙනවා. මෙම අනතුරු ඇඟවීමේ නිවේදනය අද පෙ.ව. 07.00 සිට හෙට පෙ.ව. 07.00 දක්වා ඉදිරි පැය 24 ක කාලයක් සඳහා වලංගු වන බවයි කාළගුණ විද්යා දෙපාර්තුමේන්තුව සදහන් කළේ. ඒ අනුව මාතර සිට හම්බන්තොට හරහා පොතුවිල් දක්වා වන වෙරළට ඔබ්බෙන් වූ මුහුදු ප්රදේශවල සුළඟේ වේගය පැයට කිලෝමීටර් 60ට වඩා වැඩි විය හැකි බව එම නිවේදනයේ දැක්වෙනවා.
එම අවස්ථාවල ඉහත මුහුදු ප්රදේශ ඉතා රළු විය හැකියි. එබැවින් නැවත දැනුම්දෙන තුරු මෙම මුහුදු ප්රදේශවලට යාත්රා නොකරන ලෙස නාවික සහ ධීවර ප්රජාවට නිවේදනය මගින් දැනුම් දී තිබෙනවා.
