මට්ටක්කුලිය ප්රදේශයේ පදිංචි කාන්තාවක සන්තකයේ තිබූ රන් භාණ්ඩ සහ විදේශ මුදල් සොරා ගැනීමේ සිදුවීමක් සම්බන්ධයෙන් තවත් කාන්තාවක අත්අඩංගුවට ගෙන තිබෙනවා. තම රන් භාණ්ඩ සහ මුදල් අස්ථාන ගත වී ඇති බව සඳහන් කරමින් මට්ටක්කුලිය පොලිසිය වෙත පැමිණිලි කර තිබුණේ මට්ටක්කුලිය ප්රදේශයේ පදිංචි ජයසීලී අම්මාන් නමැති කාන්තාවක බවයි සඳහන් වන්නේ. තමා සන්තකයේ තිබූ රුපියල් තිස් නව ලක්ෂ 84,381 ක වටිනාකමකින් යුතු රන් භාණ්ඩ සහ කැනඩා රජයේ මුදල්, ඇමරිකානු ඩොලර් මෙන්ම ශ්රී ලංකා මුදල්ද අස්ථානගත වී ඇති බවයි ඇය එම පැමිණිල්ලේ සඳහන් කර ඇත්තේ. මෙම සිදුවීම සම්බන්ධයෙන් විමර්ශන ආරම්භ කළ මට්ටක්කුලිය පොලිසිය අවුරුදු 34 ක් පමණ වයසැති සුවදි නීලන් නමැති කාන්තාවක සැක කටයුතු ලෙස හඳුනාගෙන විමර්ශන ආරම්භ කර තිබෙනවා. එහිදී එම කාන්තාව සතුව තිබී රුපියල් තිස් නව ලක්ෂ 84,381 ක රන් භාණ්ඩ, කැනඩා ඩොලර් 600 ක්, ඇමරිකානු ඩොලර් 1,500 ක්, ශ්රී ලංකා රුපියල් හය ලක්ෂ 55,000 ක මුදලක් සහ පවුම් 18 ක පමණ රන් භාණ්ඩ සොයා ගෙන ඇති බවයි වාර්තා වන්නේ. අදාළ සිද්ධිය සම්බන්ධයෙන් මට්ටක්කුලිය පොලිසිය විසින් වැඩිදුර විමර්ශන සිදු කරනවා.
උණුසුම් පුවත්
- ශ්රී ලංකා – බංග්ලාදේශය පළමු 20 යි 20 තරගය අද
- වෑන් රථයක් ප්රපාතයකට පෙරලීමෙන් 8 දෙනෙකු රෝහලට
- ආනයනික කිරිපිටි මිල ඉහළට
- තරුණයෙකුගේ මළසිරුරක් හෝමාගමින් හමුවෙයි
- අලි – මිනිස් ගැටුමට විසදුම් සෙවීමට කමිටුවක්
- කාන්තාවකගේ රන් භාණ්ඩ සහ විදේශ මුදල් සොරා ගත් තවත් කාන්තාවක අත්අඩංගුවට
- අමෙරිකාවෙන් බ්රසීලයට සියයට 50 ක තීරු බදු
- ඇසළ පොහොය නිමිත්තෙන් දිවයින පුරා දන්සල් 8,355 ක්