අද දිනයේත් සැලකිය යුතු වර්ෂාපතනයක් ලැබුණහොත් අත්තනගලු ඔය සහ කළු ගඟේ පහළ ප්‍රදේශවලට සුළු ගංවතුර තත්ත්වයක් ඇති විය හැකි බව වාරිමාර්ග දෙපාර්තමේන්තුවේ වාරිමාර්ග අධ්‍යක්ෂ ඉංජිනේරු එල්. එස්. සූරියබණ්ඩාර මහතා පවසනවා. ඔහු සඳහන් කරන්නේ, මේ වන විට අත්තනගලු ඔයේ සහ කළු ගඟේ මිල්ලකන්ද සහ ඇළගාව ස්ථානවල ජල මට්ටම් ඉහළම අගයක පවතින බවයි. එසේම, නිල්වලා, ගිං, කැලණි සහ බෙන්තර යන ගංගාවල පහළ ප්‍රදේශවල ජල මට්ටම මේ වන විට යම්තාක් දුරට ඉහළ ගොස් ඇති බවද සඳහන්.
