වනාතවිල්ලුව, කරතිව් ප්‍රදේශයේ කජු වත්තක් තුළදී පුද්ගලයෙකුට පහරදී වෙඩි තබා ඝාතනය කර තිබෙනවා.
වනාතවිල්ලුව පොලිසිය කියා සිටියේ පොලිසියට ලද තොරතුරක් මත විමර්ශන ආරම්භ කර ඇති බවයි.
මෙලෙස මරණයට පත්ව ඇත්තේ වයස අවුරුදු 34ක් වූ කල්අඩිය ප්‍රදේශයේ පදිංචිකරුවෙක් බවයි පොලිසිය පවසන්නේ.
මරණකරු කරතිව් පිහිටි වැවිලි සමාගමකට අයත් කජු වත්තක කජු ඇහිදීමට ගොස් සිටියධී එහි මුරකරුවන්ට හසුවී ඔවුන් විසින් පහරදී වායු රයිෆල් අවියකින් බවට සැකකෙරෙන අවියකින් වෙඩි තබා මෙම ගාතනය සිදුකර ඇති බවට දැනට සිදුකරන ලද විමර්ශනයේදී අනාවරණ වී තිබෙනවා.
සිද්ධිය සම්බන්ධයෙන් එම වතුයායේ මුරකරුවන් අට දෙනෙක් වායු රයිෆල් අවි හතරක්ද සමගින් අත්අඩංගුවට ගෙන තිබෙනවා.
සැකකරුවන් අවුරුදු 19ත් 41ත් අතර වයස්වල පසුවන ඒත්තාලේ, පුත්තලම, කල්පිටිය, අනුරාධපුර ප්‍රදේශවල පදිංචිකරුවන් වනවා.
මෘත ශරීරය පශ්චාත් මරණ පරීක්ෂණය සඳහා පුත්තලම රෝහලේ මෘත ශරීරාගාරයේ තැන්පත් කර ඇති අතර වනාතවිල්ලුව පොලිසිය වැඩිදුර විමර්ශන සිදු කරනු ලබනවා.
