නව තානාපතිවරුන් සිව්දෙනෙක්, අමාත්යාංශ ලේකම්වරුන් දෙදෙනෙක් සහ ආයතන සභාපතිවරුන් දෙදෙනෙක් පත් කිරීම සඳහා පාර්ලිමේන්තු උසස් නිලතල පිළිබඳ කාරක සභාව අනුමතිය ලබා දී තිබෙනවා.
ඒ අනුව වියට්නාමයේ නව ශ්රී ලංකා තානාපතිවරයා ලෙස ඩබ්.ඒ.යූ.පී. පෙරේරා මහතා, පෝලන්තයේ නව ශ්රී ලංකා තානාපතිවරිය ලෙස ටී.පී. ධර්මසේන මහත්මිය, තායිලන්තයේ නව ශ්රී ලංකා තානාපතිවරිය ලෙස ඊ.ඒ.එස්.ඩබ්. එදිරිසිංහ මහත්මිය සහ මියන්මාරයේ නව ශ්රී ලංකා තානාපතිවරිය ලෙස පී.ඒ.පී. පොන්නම්පෙරුම මහත්මිය පත්කිරීමටයි අනුමතිය හිමිව ඇත්තේ.
එමෙන්ම ප්රවාහන හා මහාමාර්ග අමාත්යාංශයේ නව ලේකම්වරයා ලෙස ඉංජිනේරු ආර්.ජී. රූබසිංහ මහතා පත් කිරීමට සහ ධීවර අමාත්යංශයේ නව ලේකම්වරිය ලෙස කේ.එන්.කේ. සෝමරත්න මෙනෙවිය පත් කිරීමටද අනුමැතිය ලබාදී තිබෙනවා.
මීට අමතරව ශ්රී ලංකා ගමනාගමන මණ්ඩලයේ නව සභාපතිවරයා ලෙස එස්.එම්.ඩී.එල්.කේ ද අල්විස් මහතා පත් කිරීමට සහ ලංකා කාර්මික සංවර්ධන මණ්ඩලයේ නව සභාපතිවරයා ලෙස වෛද්ය සාරංග අලහප්පෙරුම මහතා පත් කිරීමටයි උසස් නිලතල පිළිබඳ කාරක සභාවේ අනුමතිය හිමිව ඇත්තේ.
