අ.පො.ස සාමාන්ය පෙළ හා පහ ශ්රේණි ශිෂ්යත්ව විභාගවල උත්තර පත්ර සමීක්ෂණය සඳහා ගෙවනු ලබන දීමනා ප්රතිශතයාත්මකව ඉහළ දැමීමට අනුකමිටු නිර්දේශය ලැබී ඇති අතර එම නිර්දේශ අමාත්ය මණ්ඩලයට ඉදිරිපත් කර අනුමැතිය ලබා ගැනීමට කටයුතු කරනු ලබන බව අධ්යාපන අමාත්යාංශය නිවේදනයක් නිකුත් කරමින් සඳහන් කරයි.
තව ද ගුරු සේවයේ ගුරුවරුන් සඳහා මෙතෙක් ක්රියාත්මක වු මොඩ්යුලර් ක්රමය වෙනුවට ගුරු වෘත්තීය සමිති දැනුම්වත් කර රාජ්ය සේවා කොමිෂන් සභාවට යොමු කරන ලද යෝජනාව කොමිසම විසින් සලකා බලා අධ්යාපන අමාත්යාංශයට යොමු කිරීමට නියමිත බව ද එහි සඳහන් වේ.
එහි වැඩිදුරටත් දැක්වෙන්නේ 2022 වර්ෂයට වඩා 2024 වර්ෂය වන විට අධ්යාපන කටයුතු සඳහා අත්යවශ්ය අභ්යාස පොත් හා උපකරණ මිල අඩු කිරීමට අධ්යාපන අමාත්යාංශය මැදිහත්ව කටයුතු කර ඇති බවයි.
