ඉන්දියාවේ ජාර්කන්ඩ් ප්රාන්තයේ චත්රා දිස්ත්රික්කයේ සිදුවූ ගුවන් අනතුරකින් පුද්ගලයින් හත් දෙනෙකු ජීවිතක්ෂයට පත්ව තිබෙනවා.
රෙඩ්බර්ඩ් එයාර්වේස් සමාගමට අයත් ගුවන් ගිලන් රථයක් මෙලෙස අනතුරට පත්ව ඇති බවයි විදෙස් මාධ්ය වාර්තා කළේ.
මෙම යානය ඊයේ පස්වරු 7:11ට රාංචි ගුවන්තොටුපළෙන් නව දිල්ලිය බලා ගමන් ආරම්භ කර තිබෙනවා.
ඉන් පසුව පස්වරු 7:30ට පමණ එය රේඩාර් පද්ධතියෙන් අතුරුදන් වී ඇති බවයි වාර්තා වන්නේ..
පසුව සිදුකළ විමර්ශනවලදී අනාවරණය වී ඇත්තේ අදාළ යානය ඝන වනාන්තර ප්රදේශයට කඩා වැටී ඇති බවයි.
