ඉන්දියානු රුපියල් මිලියන 450 ක මුල්‍ය ප්‍රදානයක් මෙරටට ලැබී තිබෙනවා.
ජනාධිපති මාධ්‍ය අංශය සදහන් කළේ ඩිජිටල් ජාතික හැදුනුම්පත් ව්‍යාපෘතිය ක්‍රියාත්මක කිරීම සදහා ඉන්දියාවෙන් මෙම මුදල ලබා දී ඇති බවයි.
අදාළ ව්‍යෘපෘතිය අධීක්ෂණ කමිටුව ඊයේ ජනාධිපති ලේකම් කාර්යාලයේ දී රැස් වුණා.
ඒ ජනාධිපති කාර්ය මණ්ඩල ප්‍රධානී සාගල රත්නායක මහතාගේ ප්‍රධානත්වයෙනුයි.
මෙම අවසථාවට ඉන්දීය මහ කොමසාරිස් ගෝපාල් බග්ලේ මහතා මහතා ඇතුළු නිලධාරීන් පිරිසක් ද එක්ව සිටියා.
එහිදීයි අදාළ ව්‍යාපෘතිය ක්‍රියාත්මක කිරීම සදහා අත්තිකාරම් මුදලක් ලෙස ඉන්දිය රුපියල් මිලියන 450ක මුල්‍ය ආධාරයක් ඉන්දිය මහ කොමසාරිස්වරයා විසින් ලබා දෙනු ලැබුවේ.
නිසි කාල රාමුවක් අනුව ව්‍යාපෘතිය ක්‍රියාත්මක කරන ලෙසත් සතියකට වරක් රැස්වී එහි ප්‍රගතිය සමාලෝචනය කරන ලෙසත් මෙහිදී සාගල රත්නායක මහතා නිලධාරීන්ට උපදෙස් ලබා දුන්නා.
